Қазақстан қор биржасында (KASE) 1 АҚШ доллары 544,87 теңге болды. Осылайша ұлттық валюта тағы да қолайсыз рекорд орнатты. Бұл уақытта валюта айырбастау мекемелерінде доллар 547-548 теңгеден сатылып жатыр.
Жұма, 25 шілдеде қор биржасындағы саудада ұлттық валюта тағы да долларға есе жіберді. Бұл жолы күндізгі сауда барысында бір доллар құны 545,95 теңгеге дейін жетті. Алайда сауда барысында бағам сәл төмендеп, сағат 15:30-да 544,87 теңге болды. Құрама Штаттар валютасы бір тәулікте 2,79 теңгеге күшейді.
Енді Ұлттық банк алдағы демалыс күндерге дәл осы бағамды белгілейді. Дегенмен елдегі валюта айырбастау орындары кешкі саудасының аяқталуын күтеді.
Қазір Қазақстандағы валюта айырбастау мекемелерінде доллар 547-548 теңгеден сатылып жатыр. Kurs.kz мәліметінше, Алматы қаласындағы валюта пунктерінде 1 АҚШ доллары 545 теңгеден қабылданып, 546,5 теңгеден сатылып жатыр. Астана қаласында бағам, әдеттегідей, әлдеқайда жоғары – 541 және 548 теңге.
Жалпы ұлттық валюта мамырдан бері шамамен 40 теңгеге құнын жоғалтты.
Ұлттық теңге не себепті әлсіреп, доллар неге көтеріліп жатқанын мамандар Kursiv.Media-ға түсіндірген.
Биткоин құнын жоғалтты
Ай ортасында қатты көтерілген Bitcoin (BTC) шілденің аяғында сыр берді. Биткоин 25 шілдеде 115 мың долларға дейін төмендеп, түстен кейін сәл көтерілді. Қазір BTC шамамен 116,3 мың доллардан саудаланып жатыр.
Биткоин капиталы да – 2 трлн 315 млрд.
Есесіне Эфириум қайта көтеріліп жатыр. Ethereum (ETH) қазір шамамен 3 720 доллар тұрады. ETH бір тәулікте 2,71%-ға нығайған. Эфириумның нарықтағы капиталы – 449 млрд.
Binance Coin (BNB) токені бір тәулікте бар болғаны 0,81%-ға қымбаттады. Ол қазір шамамен 769 доллар тұрады. BNB-дің нарықтағы құны – шамамен 107 млрд.
Бейсенбіде Solana (SOL) валютасы құнын жоғалтты. Оның бағасы бүгін 2,37%-ға түсті. Қазір SOL 180 доллар тұрады. Солананың нарықтағы құны 97 млрд.
