Өткен жылы әлем бойынша Cadillac Escalade жол талғамайтын көлігінің сатылымы 50 мыңнан асты. Бұл 2023 жылмен салыстырғанда 1%-ға аз.
Ең көп сатылған елдердің көшбасында АҚШ тұр. Бұл ел жаһандық сатылымның 82%-ын құрайды. Қазақстан да премиум санаттағы көліктің саудасын қыздырып тұрған елдердің қатарына енді.
Cadillac Escalade көлігі ең көп сатылған ТОП-10 ел:
1. АҚШ – 41 мың дана
2. Канада – 2 747
3. Ресей – 1 481
4. Ирак – 833
5. Біріккен Араб Әмірліктері – 789
6. Мексика – 788
7. Сауд Арабиясы – 567
8. Оңтүстік Корея – 353
9. Қазақстан – 233
10. Қытай – 206
2023 жылы Қазақстан Cadillac Escalade сатылымы бойынша әлемде 7-орынға табан тіреген болатын. Ол кезде елімізде 550 дана көлік сатылған.
Еске салсақ, осыған дейін Қазақстанда жаңартылған Cadillac Escalade 2025 жол талғамайтын көлігінің ресми сатылымы басталғаны жайлы хабарлаған едік. Бағасы – 104,8 млн теңгеден басталады.
