1 тамыздан бастап электр энергиясының тарифтері көтеріледі
Жарияланды
1 тамыздан бастап Қазақстанда электр энергиясының тарифтері тағы да қымбаттайды. Энергетика министрлігі тиісті бұйрықты бекітті.
Жаңа тарифтер бірқатар энергия өндіруші кәсіпорындарға қатысты болмақ.
- Т.И. Батуров атындағы Жамбыл ГРЭС-те тариф 1 киловатт-сағатқа 23,25 теңгеге дейін өседі.
- Ақтөбе ЖЭО-да электр энергиясы 18,19 теңгеге дейін көтеріледі
- «Ақтөбе рельс-арқалық зауыты» ЖШС-де баға 23,58 теңгеге дейін өседі,
- «ӨзенМұнайПром» кәсіпорнында 1 кВт/сағ үшін 28,68 теңге болады.
Тариф өсімі МАЭК-Қазатомөнеркәсіп, Қызылордажылуэлектрорталығы, «Жайықжылуэнерго», «Кристалл Менеджмент» және басқа да ірі компанияларға да қатысты болмақ.
Сондай-ақ 63-ші топтағы энергия өндіруші ұйымдар үшін тариф бір кВт/сағ үшін 44,02 теңге болып белгіленді.
Бұйрық 2025 жылдың 1 тамызынан бастап күшіне енеді.
Айта кетейік кәсіпкер Айдын Рахымбавпен байланысы бар Alhena компаниясы Арал қаласында күн электр станциясын салып жатыр. Электр қуаты 17,38 теңге/кВт⋅сағ бағасымен жеткізіледі
