Жаңбыр және жел: 2 тамызда ауа райы қандай болады

Синоптиктер болжамына сәйкес, алдағы күндері республика бойынша күн салқындайды.

Елдің басым бөлігінде жаңбыр, найзағай, бұршақ және дауылды жел тұрады, ал солтүстік, шығыс, орталық өңірлерде және оңтүстік-шығыстың таулы аудандарында қатты жаңбыр жауады.

Тек батыс өңірде жауын-шашын жаумайды, күн ыстық болады.

Республика бойынша жел күшейіп, оңтүстік-батыс пен оңтүстікте шаңды дауыл болуы мүмкін. Түнгі және таңғы уақытта солтүстікте, шығыста тұман түседі.

Ауа температурасы батыс өңірде күндіз +30…+37°С-тан +36…+41°С-қа дейін ыстық болады.

4 тамызда оңтүстікте ауа температурасы +40°С-қа дейін жетеді. Солтүстік, шығыс және орталық өңірлерде түнгі ауа температурасы +5…+13°С, күндіз +15…+20°С-қа дейін төмендейді.

2 тамызда ірі қалаларда күн қандай болады?

Ертең Астанада таңертең жаңбыр жауады. Ауа температурасы +20 градусты көрсетеді. Күндіз де жауын-шашын жауады, кешке күн бұлтты, ауа температурасы – 19 градус.

Ал Алматыда күн бұлтты, ауа температурасы 25-27 градусты көрсетеді. Түнде +23 градус болады.

Шымкентте күн ашық, ауа температурасы 28-31 градус ыстық. Түнде 23 градус жылы болады.