«Қатты жауын мен бұршақ»: демалыс күндері ауа райы қандай болады

«Қазгидромет» алдағы үш аптаға арналған ауа райы болжамын жариялады.

Синоптиктердің болжамынша, алдағы үш күнде атмосфералық фронтальды бөліктердің өтуіне байланысты ел аумағының басым бөлігінде ауа райы құбылмалы болады.

Солтүстік-батыста, шығыста және республиканың орталығында қатты жаңбыр жауады, кей жерге бұршақ жаууы мүмкін.

Елдің оңтүстігі мен оңтүстік-шығысында жауын-шашынсыз ауа райы сақталады.

Республика бойынша желдің күшеюі күтіледі, солтүстік-батыста, солтүстікте, орталықта және шығыста түнгі және таңғы уақыттарда тұман түседі.

Оңтүстік өңірлерде ауа температурасы 36-41 градусқа дейін, ал оңтүстік-шығыста 32-39 градусқа дейін жетеді деп күтіліп отыр.

Ал Батыс Қазақстанда ауа температурасы төмендейді. Түнде 12-23 градус, күндіз 25-37 градус болады деп күтіліп отыр. Қалған аумақта ауа температурасы біртіндеп көтерілмек.