10 тамыз – Абай күні: Ұлы ойшылдың 180 жылдығы

Бүгін, 10 тамыз, Қазақстанда ерекше мәнге ие күн – Абай күні. Бұл күн – ұлы ақын, ағартушы, композитор, философ, қазақтың жаңа жазба әдебиетінің негізін қалаушы Абай Құнанбайұлының туған күні.

Биыл дана тұлғаның дүниеге келгеніне 180 жыл толып отыр. Абай 1845 жылы қазіргі Шығыс Қазақстан облысы, Абай ауданында дүниеге келіп, бүкіл өмірін халқының рухани дамуына арнады. Оның шығармалары әділдік, білім, адамгершілік пен еңбекқорлықты дәріптейді.

Абайдың «Қара сөздері» мен өлеңдері тек қазақ қоғамы үшін ғана емес, бүкіл адамзатқа ортақ асыл қазынаға айналды. Оның музыкалық мұрасы – «Көзімнің қарасы», «Айттым сәлем, Қаламқас» сияқты әндер – қазақ мәдениетінің алтын қорында.

2017 жылдан бастап 10 тамыз – ресми түрде Абай күні болып бекітілді. Бұл күн елімізде және шетелде түрлі әдеби кештер, ғылыми конференциялар, поэзия оқулары мен мәдени шаралар өткізу арқылы аталып өтеді.

Бұған дейін, Абай күніне орай Алматыда қандай іс-шаралар ұйымдастырылатынын жазған едік.