Қазақстандық әнші Сәкен Майғазиев әлеуметтік желілерде тараған жалған ақпаратқа қатысты пікір білдірді. Бұған дейін интернетте әзіл-шыны аралас бейнеролик жарияланып, онда әнші Дженнифер Лопестің концертін онлайн-трансляциялап, одан табыс тапқан деген пікір айтылған. Кейбір желі қолданушылары бұл қалжыңды шын қабылдап, Майғазиевке қатысты жағымсыз пікірлер қалдырған.
«Бұл – тек өсек. Джей Ло қайда, мен қайда? Мен сол күндері анамның ауылында болып, демалып, күш жинап жатқан едім. Алматыға қайтып келе жатып, осы жазбаны көріп таңғалдым. Егер біреу расымен трансляция сатып жатса да, оған неге жамандық тілеу керек?» – деді әнші.
Әнші мұндай теріс пікірлер өзіне әсер етпейтінін айтты: «Менде ондайға қарсы иммунитет бар. Өмірде талай нәрсе көрдім.»
Сәкен Майғазиев Дженнифер Лопестің Қазақстанға келуін оң бағалап, бұл елдің қауіпсіз әрі заманауи мемлекет ретіндегі имиджін қалыптастырып, ішкі туризмнің дамуына үлес қосатынын атап өтті.
Дженнифер Лопес 1 тамызда Астанада, ал 10 тамызда Алматыда концерт береді.
Еске сала кетейік, бұған дейін әнші Сәкен Мaйғазиев ұлының тойына ақылы түрде онлайн көрсетілім ұйымдастырған еді.
