Блогер Аселина Батыр мен кондитер Ақбергенова Нұршаттың арасындағы 600 мың теңгелік тортқа қатысты дау жаңа кезеңге өтті. Бұған дейін блогер тапсырыс ақшасын төлеуден бас тартқан еді. Енді тортты тәуелсіз сарапшылардың көмегімен бағалап, 300 мың теңге деген қорытындыға келген.
Аселинаның айтуынша, торттың бағасы тапсырыс беру кезінде нақты айтылмағандықтан, олар өз құқықтарын пайдаланып, тәуелсіз сараптама жасатқан. Сарапшылар өнімнің құнын 250–300 мың теңге аралығында деп бағалаған. Осы бағалауға сүйеніп, блогер кондитердің шотына 200 мың теңге аударғанын айтады.
«Егер орындаушы сараптамамен келіспесе, дауды Қазақстан Республикасының заңдарына сәйкес шешуге дайынбыз. Біздің чектер мен басқа да құжаттарды талап етуіміз заңды», — деп жазды блогер әлеуметтік желіде.
Алайда, блогердің айтуынша, кондитер бұл соманы қайтарып жіберген. Аселина бұл әрекет өздеріне тапсырыс үшін ақы төлеу мүмкіндігінен айырғанын атап өтті. Қазіргі уақытта блогер сот процесіне байланысты барлық дәлелдерді жарияламауға шешім қабылдағанын айтты.
Еске сала кетейік, бұған дейін Аселина Батыр өзінің іс-шарасын торт тапсырыс беріп, кейінен бағасы 600 мың теңге болғанын естіп, ақшасын төлеуден бас тартты.
