Украина президенті Владимир Зеленский Вашингтонға келді
Жарияланды
Украина президенті Владимир Зеленский АҚШ астанасы Вашингтонға жетіп, 18 тамыз күні америкалық әріптесі Дональд Трамппен кездесетінін мәлімдеді.
«Вашингтонға жеттім. Ертең АҚШ президентімен кездесу өтеді. Сондай-ақ еуропалық лидерлермен де сөйлесеміз. АҚШ президентіне шақырғаны үшін ризашылығымды білдіремін», – деп жазды Зеленский.
Зеленский Украина ұзақ мерзімді бейбітшілікті талап ететінін атап өтті.
«Біздің Америкамен және еуропалық достарымызбен біріккен күшіміз Ресейді шынайы бейбітшілікке алып келеді деп сенемін», – деді Зеленский.
Бұған дейін, Украина президенті Владимир Зеленский Еуропа басшыларымен бірге Вашингтонда АҚШ президенті Дональд Трамппен кездесу өткізетінін жазған едік.
