Колумбияның Барранкилья қаласында 16 жасқа дейінгі ойыншыларға арналған жасөспірімдер арасындағы шахмат Олимпиадасы аяқталды. Онда Қазақстан-2 құрамасы жарқын өнер көрсетіп, қола медальді жеңіп алды.
Гроссмейстер Александр Моисеенконың басшылығымен төмендегідей команда құрамында өнер көрсеткен:
- FM Артём Богданов (рейтинг 2368)
- FM Алдияр Жауынбай (2195)
- CM Данис Қуандықұлы (2156)
- WIM Зарина Нұрғалиева (2152)
Шешуші тоғызыншы турда Қазақстан-2 Колумбия-1 құрамасын 2½–1½ есебімен сенімді түрде жеңген. Артём Богданов Андрес Сантьяго Гарсон Камеломен ойынды тең аяқтаса, (½–½) Данис Қуандықұлы Сантьяго Лопес Районы жеңді (1–0). Зарина Нұрғалиева да Лопес Районы басып озды (1–0). Бұл жеңіс командаға 14 командалық ұпай, EMGSB (Cut-1) коэффициенті бойынша 260 балл және 25½ жеке ұпай әкеліп, үшінші орынды қамтамасыз етті.
Қазақстан атынан екі құрама шықты. Гроссмейстер Борис Грачёвтің басшылығымен шыққан Қазақстан-1 құрамасы:
- IM Сауат Нұрғалиев (2225)
- FM Марк Смирнов (2265)
- FM Алан Петухов (2310)
- WIM Елназ Қалиахмет (2266)
Жеке есепте қазақстандық шахматшылар командалық қолаға тағы екі медаль қосты. Алан Петухов үшінші тақтада күміс жүлде иеленіп, турнирдің бесінші перформансын көрсетті – 2374. Сауат Нұрғалиев бірінші тақтада қола жүлді жеңіп алды.
Қорытынды командалық жағдай:
- FIDE-1: 18 ұпай, 339 EMGSB, 30½ жеке ұпай
- Өзбекстан: 14, 287, 27
- Қазақстан-2: 14, 260, 25½
- Қытай: 14, 232, 24
- Үндістан: 13, 240,5, 24
- FIDE-2: 13, 224,5, 22½
- Куба-2: 13, 203, 21½
- Мексика: 13, 175, 20½
- Қазақстан-1: 12, 266,5, 26½
EMGSB (Cut-1) коэффициентін есептеу оңай: қарсыластардың ұпайлары (ең нашар нәтижесін қоспағанда) олардың жеке ұпайларына көбейтіледі. Турнирге 41 елден 85 команда қатысты. Колумбия 30 команда, Перу – бес, Венесуэла мен Чили – үш командадан шығарды.
Екі жыл бұрын Эйндховенде (Нидерланд) үздік қазақстандық команда Қытай, Түркия және Грекиядан кейін төртінші орынды иеленген еді. Шахмат федерациясы Қазақстан-2 құрамасының қола жүлдесі мен Барранкильяда алынған екі жеке медаль елдің жас шахматшыларының дамуын жалғастырып, әлемдік аренада сенімді түрде өздерін танытып келе жатқанын көрсететінін атап өткен.
Бұған дейін, шахматтан Qonaev Cup 2025 «Masters» турнирінде Үндістан өкілі үздік атанған.
