Александр Бублик US Open турнирінің үшінші айналымына шықты

Александр Бублик US Open турнирінің үшінші айналымына шықты. Бұл туралы Қазақстанның теннис федерациясы хабарлады.

Қазақстанның бірінші, әлемнің 24-ракеткасы Александр Бублик АҚШ ашық чемпионатында екінші жеңісіне қол жеткізді.

Қазақстандық теннисші екінші айналымда әлемдік рейтингіде 96-орындағы аустралиялық Тристан Скулкейтті 6:3, 6:3, 6:3 есебімен жеңді. Бір сағат 45 минутқа созылған матчта Бублик 16 эйспен бірге 6 брейк-пойнттың төртеуін пайдаланды. 

Александр Бублик үшінші айналымда әлемнің 14-ракеткасы, америкалық Томми Полмен ойнайды.

Айта кетейік, бұған дейін Бублик Галле қаласында өткен TERRA WORTMANN OPEN турнирі мен Швейцариядағы Swiss Open Gstaad турнирі чемпионы атанды.