Сабақ басталатын шақта жабылған көшелердегі жағдай қандай
Жарияланды
«Жаңа Қазақстан жаңа көшеден, жаңа оқу жылының қарсаңында бастады», «Оларға айтыңдаршы, Шыңғысқан алтынын мұнда тықпады», «Жаз бойы не істеді сонда». Бұл Алматы көшелерінде жүріп жатқан жөндеу жұмыстарына қатысты қала тұрғындарының әлеуметті желіде жазғанының бір парасы ғана. Пікір жазушылар арасында ремонтты қолдап жатқаны жоқтың қасы. Ал нақты жөнделіп жатқан учаскелердегі жұрттың пікірі қандай, қай көшелер жабық әрі олар қашан ашылады, жөндеу жұмыстары көлік қозғалысына қалай әсер етеді, осы және өзге де сұрақтардың жауабын табу үшін KursivMedia түсірілім тобы жөнделіп жатқан қала көшелерін аралады.
