«МузАрт» әншілерінің біртүрлі қылықтары жұртты шошытып отыр. Мейрамбек Бесбаевты молдаға апарын, дем салдыруға кеңес берді.
Бұған әлеуметтік желіде жарияланған бейнежазба түрткі болды.
Видеода не көрсетілген?
Онда Қазақстандағы аса танымал «МузАрт» тобының әншілері Мейрамбек Беспаевтің, Сәкен Майғазиев пен Кенжебек Жанәбілевтің бір бөлмеде жүргені көрінеді.
Сәкен Майғазиевтің кейпі салмақты. Бірақ қарқылдап күлгендей, кекіргендей түрлі дыбыс шығарады. Мейрамбек Беспаев болса, бақсылар секілді еліріп, біресе бар дауысымен оғаш дыбыс шығарады, біресе ән салғандай болады. Ол аз болғандай, Кенжебек Жанәбіловтің жағасынан алып, артынша қылқындыра бастайды.
Өте қорқынышты көрініс
«МузАрттың» ең жас әншісі балықтар секілді үнсіз ғана ауызын ашып, жауып, Мейрамбектің қылықтарына ешқандай реакция білдірмейді.
Расында да, өте қорқынышты көрініс. Бұл бейнежазба оқырмандарды қатты шошытты. Көп сұрақ туғызып отыр.
«Тыныштық па? Не болған?», «Мейрамбекке дем салдыру керек. Қалған екеуінің дерті енді ғана басталған», «Арғы аталарымен байланысқа түсіп жатыр ма?», «Жындыханадан орын керек-ау?» – деп әншілердің денсаулығына алаңдаушылық білдірген.
«Сахнаны білу шарт емес»
Оқырмандардың екінші бір тобы сабырға шақырып жатыр. Олардың пікірінше, бұл бейнежазбада Мейрамбек Беспаевтің, Сәкен Майғазиев пен Кенжебек Жанәбілевтің сахнаға шығар алдындағы дайындығы көрсетілген. Осы қылықтар арқылы дауыс ырғағын жаттықтырады екен.
«Жақсы дайындық. Білмейтіндер – кінәлі емес. Елдің бәрі сахнаның не екенін біле беруі шарт емес!», – деп бір оқырман басу айтып отыр.
Мұның алдында Мейрамбек Беспаевтың мұғалімі шәкіртіне өкпесі бар екенін айтқан еді.
