Қытайлық Didi инвесторларына 740 млн доллар төлейді

Қытайлық таксиге тапсырыс беру қызметі Didi Global Inc. инвесторларына 740 млн доллар төлеуге міндетті. Компанияның 2021 жылы АҚШ-та өткізген IPО-сы сәтсіз өтіп, қаржы салушылары наразы болған еді.

IPO 2021 жылы маусымда NYSE-де өткен. Жарияланым көлемі 4,4 млрд доллар құрап, компания 67 млрд долларға бағаланды. Бірақ бірнеше күннен кейін қытайлық интернет-реттеуші Didi-дің Қытайдағы бизнесіне тексеріс бастады. Сервиске жаңа қолданушыларды тіркеу тоқталып, компанияның мобильді қосымшасын өшіруді талап етті. Бейжіңнің қысымымен Didi 2022 жылдың маусымында биржадан акцияларын алып тастады.

АҚШ-та IPO-ға қатысқан акционерлер компанияға қарсы арыз түсірді. Олар Didi басшылығы Қытайдағы тәуекелдерді біле ұрып, инвесторларға ескертпей, шығынға түсірді деп айыптады.

Өз кезегінде компания барлық айыптауларды мойындамайтынын, жоққа шығаратынын хабарлады.

«Біз сот процесі жалғаса берсе, бизнесіміздің дамуына кедергі келтіріп, қосымша шығындар туғызуы мүмкін болғандықтан ғана, ымыраға келдік», – деп жазылған компания мәлімдемесінде.

Didi бұған дейін Қазақстан мен Ресей нарығына кірмекші болған еді. Бірақ талпынысы сәтсіз аяқталып, 2022 жылы жұмысын тоқтатты.