Қазақстан президенті Қасым-Жомарт Тоқаевтың Қытайдың ағылшын тілді танымал Сhina Daily газетінде «Қазақстан мен Қытайдың берік қарым-қатынасы – табысты ынтымақтастық кепілі» атты мақаласы жарық көрді. Бұл туралы президенттің баспасөз қызметі хабарлады.
«Бүгін Қытайдың ағылшын тілді танымал Сhina Daily газетінде Президент Қасым-Жомарт Тоқаевтың «Strong Kazakh-Sino ties key to successful cooperation» («Қазақстан мен Қытайдың берік қарым-қатынасы – табысты ынтымақтастық кепілі») атты мақаласы жарық көрді. Мақалада Қазақстан мен ҚХР арасындағы жан-жақты стратегиялық серіктестікті дамыту, сондай-ақ Шанхай ынтымақтастық ұйымының әлеуетін нығайту тақырыптары қозғалған», – делінген Ақордда хабарламасында.
Ақорда хабарлауынша, бұл гзеттің дүниежүзілік таралымы – 700 000 дананы құрайды. Жалпы басылымды газет, онлайн және мобильді форматта оқитын 350 млн астам оқырманы бар. Бұл мақаламен мына сілтеме арқылы танысуға болады.
Мақалада не туралы айтылған
Президент Қазақстан мен Қытай арасында достық қарым-қатынас орнағанын, нәтижесінде екі елдің стратегиялық серіктеске айналып үлгергенін атап өткен.
Сонымен бірге жаһандық сауд-экономикада артқан тәуекелдерге қарамастан Қазақстан мен Қытай арасында сауда айналымы 44 млрд долларға жеткені де айтылған.
«2005 жылдан бері Қытай кәсіпорындары Қазақстанға 27 миллиард доллардан астам инвестиция құйса, бүгінде біздің елімізде 6 мыңға жуық компания жұмыс істеп, технологиялық прогресс пен өнеркәсіпті жаңғыртуда маңызды рөл атқаруда. Қазақстан мен Қытайдың тағдыры ежелгі Жібек жолы дәуірінен бері тоғысқан, енді біз осы мұраға сүйеніп, жаңа көлік артерияларын дамытып отырмыз», – делінген мақалада.
Сонымен бірге мақалада президент тараптардың көлік-логистика, мұнай-газ, ауылшаруашылық салаларда ынтымақтастық орнатқанын атап өткен.
