Дәурен Абаев: Қазақстандықтардың 95%-ы орыс тілінде сөйлейді

Қазақстанның Ресейдегі елшісі Дәурен Абаев қазақстандықтардың 95%-ы орыс тілін білетінін айтты. «Бұл – халықтың күші» деп мәлімдеді.

ТАСС агенттігіне берген сұхбатында Абаев қазақ тілі басымдыққа ие екенін және оның рөлі күннен-күнге артып келе жатқанын атап өтті. Алайда сонымен қатар ел халқының басым бөлігі орыс тілін де меңгергенін ерекше атап өтті.

«Қазақстанда, менің ойымша, халықтың 95%-ы орыс тілінде сөйлейді. Біз мұны өз күшіміз деп есептейміз. Әрине, біздің мемлекеттік тіліміз – қазақ тілі, және оның маңызы жыл сайын артып келеді. Бірақ біз елімізде барлығының орыс тілін білуіне қуанамыз. Өйткені бұл – біздің тағы бір артықшылығымыз»,- деді дипломат.

Абаевтың айтуынша, Қазақстандағы 7 мың мектептің шамамен 3 мыңында білім беру орыс тілінде жүргізіледі. Сондай-ақ, елші барлық мектептерде орыс тілін оқыту міндетті екенін атап өтті.

«Орыс тілі – біз үшін бәсекеге қабілеттілік беретін тіл, – деді ол.

Мұның алдында Ресейдегі елші Дәурен Абаев Рамзан Қадыровтың ұлының тойына барғаны туралы ақпарат тарады.