Илон Маск Еуропаның жойылып кететінін болжады

Илон Маск Еуропаның жойылып кететінін болжады. Ол Еуропадағы халық санының азаюына байланысты тағы да алаңдаушылық білдірді.

Танымал кәсіпкер және SpaceX компаниясының негізін қалаушы Илон Масктің пікірінше, туу көрсеткіші халықтың табиғи өсім деңгейіне жетпесе, құрлықтың «жойылу» қаупі бар.

«Туу көрсеткіші халықтың өзін-өзі жаңғырту деңгейіне жетпесе, Еуропа жойылады», – деп жазды Илон Маск X (бұрынғы Twitter) әлеуметтік желісінде.

Маск бұл сөздерін АҚШ сенаторы Майк Ли жариялаған статистикаға жауап ретінде айтқан. Сенатор Шотландиядағы демографиялық жағдайды мысалға келтірген. Оған сүйенсек, 2025 жылдың қаңтарынан шілдесіне дейін бұл елде 26,3 мың нәресте дүниеге келсе, 35,2 мың адам көз жұмған екен. Бұл – өлім көрсеткіші туу көрсеткішінен 34%-ға көп деген сөз.

Еуропада туу көрсеткіші рекордтық деңгейге дейін төмендеп отыр.

Евростат мәліметінше, 2023 жылы ЕО елдерінде 3,67 миллион сәби дүниеге келген. Бұл – 2022 жылмен салыстырғанда 5,4%-ға төмен көрсеткіш. Мұндай төмендеу 1961 жылдан бері тіркелмеген.

Илон Маск Еуропаның жойылып кетуін бекер айтып отырған жоқ. Онда әйелдердің алғашқы баласын туу жасы 29,8 жасқа дейін өскен.

Жалпы туу коэффициенті әр әйелге 1,38 бала деңгейіне дейін төмендеген.

Қазақстанда да демография тұрғыдан қауіпті үрдіс байқалып отыр. Бала туу деңгейі төмендеп жатыр.