Қаздан қашқан бала «Отбасы банкінің» жарнамасына түсті
Қаздан қашқан бала бір күннің ішінде жұлдызға айналып шыға келді. Әлемге мәшһүр Америкалық рэпер Snoop Dogg-ті сүйсіндірді.
Енді ол «Отбасы банкінің» жарнамасына түсіп, депозиттерін жарнамалай бастады.
Оның аты-жөні – Руслан Керей Махамбетұлы. Ақтөбелік бүлдіршін. Вирусқа айналған видеоны әкесі түсіріп алған. Бұл бейнежазба бүгін 168 000 000 қаралым жинаған.
Ол жақында 3 жасқа толады. Отбасымен бірге Ақтөбедегі Күншуақ ауданында тұрады. Әкесі — Ермек Махамбет, 30 жаста. Ол дене шынықтыру пәнінің мұғалімі болып жұмыс істейді. Жылқыларды жалға беріп, қосымша қаражат табады.
Керейдің Расул мен Тайыр атты інілері бар екен. Оның қаздан қашып бара жатқан видеосын әйгілі рэпер Snoop Dogg өзі парақшасында жариялаған. Бұдан соң, олардың Instagram парақшасына жаппай шетелдіктер жазыла бастапты. Нәтижесінде, оқырмандарының саны 700-ден 25 000-ға дейін бір-ақ секірген.
Сондай-ақ, Отбасы банктің бас кеңсесі Алматыдан Астанаға көшпек.
