Сәкен Майғазиев жол апатына түсті

Сәкен Майғазиев жол апатына түсті. Оқиға Сарығаш тас жолында болған. Десе де, әнші дін аман екенін жеткізіп, алаңдаушыларды сабырға шақырды.

Бұл туралы әншінің өзі әлеуметтік желі арқылы хабарлады.

«Жол апатына болғаны рас. Сарыағашқа кетіп бара жатып кезде, үлкен жылдамдықта, қатты асығып келе жатып, бір машинемен соқтығыстық. Екі автокөлік те трассадан шығып кетті. Ең бастысы, дін аманбыз. Ешкім зардап шеккен жоқ. Адам шығыны болмады. Соған шүкіршілік етіп, тарқастық», – деді Сәкен Майғазиев.

Оның айтуынша, елді дүрліктіру үшін оқиғаны лентаға салмаған.  Жолда жүрген жолаушыларға абай болуға шақырғысы келген. Мұндай оқиға әркімнің де тап  болуы мүмкін екенін ескерткісі келген.  

«Жолда қазір мал көп. Ірі қара да атып шыға салады. Жол түзелсе екен деген – арман-мақсат», – дейді Сәкен Майғазиев.

Оның айтуынша, әнші бірінші мәрте жол апатына түспеген. Бұдан бірнеше жыл бұрын Кенжебек Жанәбілев екеуі апатқа ұшырағанын, мұны жасырғанын айтты.

Мұның алдында «МузАрт» әншілерінің біртүрлі қылықтары жұртты қорқытқанын жазған едік.