Алматыда 850 шаршы метрге тараған өрт сөндірілді

Алматыда 3 қабатты ғимаратта шыққан өрт сөндірілді. Алдын ала есеп бойынша өрт 850 шаршы метрге жайылған. Бұл туралы төтенше жағдайлар департаменті хабарлады.

Өрт Алатау ауданындағы Данченко көшесінде орналасқан 3 қабатты ғимараттардың бірінде шыққан. Оқиға орнына барған кезде алғашқы бөлімше көлік кептелісіне тап болып, жол жүруді қиындатқан.

Ғимараттан 2 газ баллон эвакуацияланды.

Өртті сөндіру бірқатар факторлармен қиындады:

• Өрт сөндіру бөлімшелері келген кезде өрт үлкен аумаққа тарап кеткен.
• Ашық терезелер жалынның тез таралуына себеп болды.
• Нысан қаланың ең тығыз қозғалысты автомагистральдарының бірінде орналасқандықтан, техниканың жетуі қиын болды.
• Қызып тұрған металл конструкциялар ішінара құлады.

Өрттің себебі анықталып жатыр.