Қапшағайда жоғалған ер адамның денесі табылды

Алматы облысында 31 тамызда суға батып кеткен ер адамның денесі табылды. Бұл туралы облыстық ТЖД баспасөз қызметі хабарлады.

Бүгін ҚР ТЖМ «Қазавиақұтқару» АҚ тікұшағының бортынан жағалаудан 5–6 шақырым қашықтықта ер адамның денесі байқалды. Ол ДЧС Алматы облысының жедел-құтқару жасағының күшімен жүзу құралы арқылы жағаға жеткізілді, — делінген ресми хабарламада.

Іздеу жұмыстары 31 тамыздан бері үздіксіз жүргізілген. Іздеуге тікұшақ, дрон, «Эхолот» гидроакустикалық аппараты, 17 құтқарушы, 3 техника және 4 жүзу құралы жұмылдырылды. Мамандар 30 шаршы шақырымға жуық акваторияны қарап шығып, бірнеше мәрте сүңгуірлерді суға түсірді, сондай-ақ ұзындығы 15 шақырым жағалау сызығын тексерді.

Алматы облысы ТЖД қаза тапқан азаматтың туған-туыстарына қайғырып көңіл айтты және судағы қауіпсіздік ережелерін қатаң сақтауды ескертті: тек жарамды жүзу құралдарын пайдалану және міндетті түрде құтқару кеудешесін кию қажеттігін атап өтті.

Еске сала кетейік, қайғылы оқиға туралы хабар 31 тамыз күні сағат 15:00 шамасында түскен. 9-насос станциясы маңында ішінде екі ер адам болған қайық аударылып кеткен. Олардың біреуі өз бетімен жағаға жетсе, екіншісі 400 метр қашықтықта суға батып, із-түзсіз жоғалған еді.