Террористік және экстремистік қылмыс үшін 12 қазақстандық сотталды
Жарияланды
Осы жылы тамызда 12 азамат террористік және экстремистік қылмыстар жасағаны үшін сотталды. Бұл туралы ҰҚК хабарлады.
«Олардың 11-і терроризм идеясын насихаттап, зорлық-зомбылықты ақтап және діни араздыққа шақырған, ал тағы 1-і лаңкестік ұйымға қосылу үшін шетелге шығуға дайындалған», – деп жазылған хабарламада.
Олардың барлығы сот шешімімен кінәлі деп танылып, әртүрлі мерзімге бас бостандығынан айырылды.
Осыған дейін БАҚ-та елдегі бірқатар лауазымды тұлғалар ұсталғаны туралы ақпарат тарады. Бірақ ҰҚК оны жоққа шығарды.
