Тоқаев Бразилия Президентін Тәуелсіздік күнімен құттықтады
Жарияланды
Қасым-Жомарт Тоқаев Бразилияның ұлттық мерекесі – Тәуелсіздік күніне орай Президент Луис Инасиу Лула да Силваға құттықтау жеделхатын жолдады. Бұл туралы Ақорда хабарлады.
Президент жеделхатта Қазақстан мен Бразилия арасындағы достық пен өзара түсіністікке негізделген қарым-қатынастың жылдан жылға нығайып келе жатқанын атап өтті. Сондай-ақ екі елдің тиімді ынтымақтастығы болашақта да жаңа деңгейге көтеріледі деген сенім білдірді.
Қасым-Жомарт Тоқаев әріптесіне жауапты қызметінде зор табыс тілеп, Бразилия халқына бақ-береке мен бейбіт өмір тіледі.
Еске сала кетейік, 8 қыркүйек күні Тоқаев тікелей эфирде Қазақстан халқына Жолдауын жариялайды.
