Маңғыстау облысында мұнай-сервис компаниясының басшысы 3 жылға сотталды

Маңғыстау облысының прокурорлары «Oil Transport Corporation» компаниясы заң бұзғанын анықтап, кәсіпорын басшылығы мен мердігер ұйым өкілдері ұсталды. Олар мемлекетке 250 млн теңге шығын келтірген.

Сот шешімімен компанияның бас директорының орынбасарына қызметтік өкілеттігін теріс пайдаланғаны үшін 3 жылға бостандығын шектеу жазасы кесілген.

«Сот барлық тұлғаларды кінәлі деп танып, әртүрлі жаза түрлерін тағайындады. Атап айтқанда, кәсіпорын бас директорының орынбасары лауазымдық өкілеттігін теріс пайдаланып, ауыр зардаптарға әкеп соққан әрекеті үшін сотталды. Сот оған 3 жыл мерзімге бас бостандығын шектеу жазасын тағайындады. Мердігер компанияның екі өкілі әрқайсысына 2 жыл мерзімге бас бостандығын шектеу жазасы қолданылды», – делінген компания хабарламасында.

Бұл компания – «ҚазМұнайГаздың» еншілес ұйымы, ол көлік қызметін көрсетіп, арнайы техниканы мұнай-газ кен орындарына жеткізумен айналысады.

Ал мердігер ұйымның екі қызметкері әрқайсысы 2 жылдан бостандығын шектеу жазасын алды.

Барлық сотталғандар мемлекетке 250 млн теңгеден астам шығынды өтеді. Үкім заңды күшіне енді.

«Oil Transport Corporation» негізінен Қаламқас пен Жетібай кен орындарында жұмыс істейді. Оның ірі тапсырыс берушілерінің бірі – «Маңғыстаумұнайгаз», ол «ҚазМұнайГаз» бен Қытайдың CNPC компаниясының бірлескен кәсіпорны.

2023 жылы оның мердігер компаниясының қызметкерлері наразылыққа шығып, жалақылары көтеруді талап еткен болатын.