Руслан Желдібай президенттің көмекшісі әрі баспасөз хатшысы болды. Жарлыққа мемлекет басшысы Қасым-Жомарт Тоқаев қол қойды.
«Руслан Желдібай Қазақстан Республикасы президентінің көмекшісі – президенттің баспасөз хатшысы болып тағайындалды, ол бұрынғы атқарған лауазымынан босатылды», – делінген Ақорда жариялаған ақпаратта.
Бұған дейін Желдібай президент кеңесшісі – президенттің баспасөз хатшысы лауазымын атқарған.
Ал Қуанышбек Есекеев президент көмекшісі болып тағайындалды, ол бұрынғы атқарған лауазымынан босатылды. Ол 2024 жылдың маусымында президентінің кеңесшісі болып тағайындалған.
Сондай-ақ Марат Әшім президентінің кеңесшісі – президент протоколы қызметінің бастығы лауазымына тағайындалды.
