Тамыз айында Ұлттық қордың активтерін қоса алғанда, Қазақстанның жалпы халықаралық резерві 116,4 млрд долларды құраған. Соның ішінде 54,6 млрд доллары Ұлттық банктің халықаралық резерв болса, 61,8 млрд доллары – Ұлттық қордың активі.
Бас банктің халықаралық резерві жыл басынан 19,4%-ға өскен. Бұл туралы Ұлттық банктің ай сайынғы статистикасында жазылған.
Бұл ретте Ұлттық банктің алтын-валюта резервтерінің ішінде алтын қоры жыл басынан бері 45,4%-ға өсіп, 34,7 млрд долдарды құраған. Ал еркін айналымдағы валюталық активтер 8 айда 9,4%-ға азайып, 19,9 млрд доларға тең болды.
Ұлттық қордағы валюталық активтер жыл басынан бері 5,3%-ға көбейіп, 61,8 млрд долларға жетті. Ал шілде айымен салыстырғанда 2,18% өсім байқатты.
Бұған дейін сарапшылар 2000 жылдан бері әлемдік орталық банктердің шетел валютасындағы резерв құрылымында АҚШ долларының үлесі азайып келе жатқанын айтқан.
