Атырауда құрылыс басқармасы басшысының орынбасары ұсталды – БАҚ
Жарияланды
Атырау облысында облыстық құрылыс, сәулет және қала құрылысы басқармасы басшысының орынбасары Талғат Бисен ұсталды. Бұл туралы ҚазАқпарат хабарлады.
Редакцияның хабарлауынша, Бисен Құрманғазы ауданынан іссапардан оралған соң, облыс әкімдігі ғимаратында ұсталған.
Ол мердігер ұйым басшысынан пара алды деген күдікке ілінген. Аталған дерек бойынша қылмыстық іс қозғалып, компания кеңсесінде және әкімдік ғимаратында тінту жүргізілген.
Қазір шенеунік қолхатпен босатылған. Тергеу жалғасып жатыр.
