Қытай компаниясы Қазақстанда қарасора өсіріп, өңдеуді жоспарлап отыр. Бұл жайлы инвестициялар комитетінің төрағасы Ғабидолла Оспанқұлов қытайлық Cheng Tian Run Kang Medical Limited компаниясы басшылығымен кездесуінде белгілі болды.
Инвестор Қазақстанда техникалық қарасора өсіру және өңдеу жобасын жүзеге асыруға ниетті екенін білдірді. Өсімдік құрамындағы тетрагидроканнабинол деңгейі 0,3%-дан аспайды. Бұл халықаралық стандарттарға сай екені және өсімдіктің психоактивті қасиеттерін жоққа шығарады.
Алынатын шикізат медициналық препараттар, биологиялық белсенді қоспалар және тоқыма өнеркәсібіне арналған өнімдер шығаруда қолданылмақ. Ғабидолла Оспанқұлов мемлекет қажетті қолдау көрсетуге, оның ішінде тиісті министрліктермен үйлестіруге дайын екенін атап өтті.
Тараптар жобаның параметрлерін одан әрі пысықтап, Қазақстан аумағында іс жүзінде жүзеге асыру мүмкіндіктерін қарастыруға уағдаласты.
Осы жылы жазда италиялық компания өндіріске арналған қарасора жобасын іске қосуды жоспарлап отырған ниетін білдірген еді.
