Астанада ЖРВИ жұқтырғандар саны 14%-ға көбейді
Астанада ЖРВИ дерегі жиі тіркеліп жатыр. Қоғамдық денсаулық сақтау басқармасы хабарлауынша, жалпы 260,6 мың жағдай тіркелді, арасында балаларда көп анықталған. Осылайша былтырмен салыстырғанда 14%-ға көп.
Балалар жиі ауырып жатыр
2024-2025 эпидемиологиялық маусымында Астанада 260,6 мың ЖРВИ жағдайы тіркелген, бұл былтырмен салыстырғанда 14%-ға артық.
Науқастардың жартысынан көбі (51,6%) – 14 жасқа дейінгі балалар.
1-7 қыркүйекте елордада 4 638 жағдай анықталған, оның 50,1%-ы – бала. Бұл көрсеткіш өткен жылғы дәл осы кезеңмен салыстырғанда 39%-ға аз.
Дәрігерлер кеңес берді
Билік қала тұрғындарын алдын алу шараларын сақтауға шақырды:
- қоғамдық орындарда маска тағу,
- адамдар көп жиналатын жерге бармау,
- науқастармен қатынасты шектеу,
- қолды жиі антисептикпен тазарту.
«Инфекцияның таралу қаупін азайту үшін қоғамдық орындарда маска тағыңыз, адам көп жиі жүретін жерге бармаңыз, сондай-ақ мүмкіндігінше науқастармен қатынасты шектеңіз», – дейді дәрігерлер.
Тұмауға қарсы вакцина
Әкімдік Ресейде өндірілген 145 мың доза «ГРИППОЛ+» вакцинасын сатып алуға қаржы бөлді. Вакцинация 15 қыркүйекте басталуға тиіс еді, бірақ жеткізу кешігуіне байланысты 1 қазанға шегерілді.
Тегін вакцинациядан өте алатындар:
- медицина қызметкерлері,
- балалар үйлерінің тәрбиеленушілері,
- жүкті әйелдер,
- қарттар үйлеріндегі тұрғындар,
- созылмалы аурулары бар науқастар.
Вакцинация елордадағы 47 алғашқы медициналық-санитарлық көмек ұйымында, сондай-ақ ақылы негізде жекеменшік клиникаларда жүргізіледі.
