«Қайрат» пен «Реал Мадрид» ойыны қарсаңында пәтер бағасы қымбаттады ма

«Қайрат» пен «Реал Мадрид» ойыны қарсаңында Алматыдағы пәтер жалдау бағасы біршама. krisha.kz сайтының дерегіне сәйкес, Орталық стадион маңында бір апта бұрын тәулігіне 20-30 мың теңге сұрап тұрған кейбір пәтер иелері бағаны көтеріп жіберген. Ал кейбірі бағаны өзгеріссіз ұстап отыр.

Мәселен, «Мечта на Минина» тұрғын үш кешенінің 11-қабатында орналасқан 1 бөлмелі пәтердің иесі матч күні 100 мың теңгеге өткізбек. Пәтерге темекі шекпейтін екі адам орналаса алады.

«30 қыркүйекте өтетін «Қайрат» – «Реал Мадрид» матчы кезіндегі баға. Алматыдағы орталық стадионға панорама терезелері бар пәтерден тамашалауға мүмкіндік», – деп жазылған сипаттамасында.

Дәл осы тұрғын үй кешеніндегі 3 бөлмелі пәтерді 30-40 мың теңгеге жалдауға болады. Олардың сипаттамасында пәтерге бар жағдай жасалғаны жазылған. 1-2 бөлмелі пәтерлерді 15-20 мың теңгеге жалға алуға болады.

Орталық стадионға қарма-қарсы орналасқан үйдегі 4 бөлмелі пәтерді тәулігіне 80 мың теңгеге жалға алуға болады. 220 шаршы метрді құрайтын пәтерге 12 адам орналаса алады.