Руслан Берденов Алматы қаласының даму орталығын басқарады

Руслан Берденов Алматы қаласының даму орталығын басқарады. Орталықтың директорлар кеңесі жаңа басқарма төрағасын бекітті.

Орда ақпаратына қарағанда, бұл қызметке Руслан Берденов тағайындалды.

Бұл ақпаратты мегаполис әкімдігі растады. Бұған дейін бұл туралы блогер Бейбіт Әлібеков әлеуметтік желіде хабарлаған болатын.

Алматы қаласының даму орталығы – мегаполистің тұрақты өсіміне арналған стратегия мен жобаларды қалыптастыратын негізгі құрылым. Ұйым think tank, жобалық офис және коммуникациялық платформа қызметін атқарып, әкімдікке инфрақұрылым, транспорт, экология және цифрландыру салаларындағы бастамаларды әзірлеуге және іске асыруға көмектеседі.

«Ақыры барлық идеяларды барынша жылдам жеткізіп, іске қоса аламыз деп үміттенемін. Қоғамдық көлік, кептелістер, инвестициялар, туризм», — деп жазды Әлібеков.

Руслан Берденов бұған дейін Шымкент қаласы әкімінің экономика және инфрақұрылым мәселелерін қадағалаған орынбасары болған. Ол 2025 жылдың сәуір айында оған қастандық жасалды. Бұл оқиғадан соң Берденов есімі танымал болды. Берденов сауығып шыққан соң қайта қызметіне оралған еді.

Тамыз айының соңында Берденовтың Шымкент әкімінің орынбасары қызметінен өз еркімен кеткені туралы ақпарат тарады. Алайда қыркүйек айының басында ол Тоқаев делегациясымен бірге Бейжіңде көзге түсті.

Мұның алдында Берденовтің ісіне қатысты апелляциялық шағымның қашан қаралатыны белгілі болды.