«Қайрат» – «Жетісу» матчына барлық билет сатылып кетті. Бұл туралы футбол клубының әлеуметтік желідегі парақшасында айтылды.
Премьер-лиганың 24-туры аясындағы матч Алматыдағы Орталық стадионда сағат 16:00-де басталады.
Стадион аумағы ойын басталуына үш сағат қалғанда, яғни 13:00-де ашылды.
«Қайрат» футбол клубы кезекте тұрмай, бақылаудан еркін өту үшін көрермендерді стадионға ертерек келуге шақырды.
Стадионға Абай даңғылы, Сәтбаев және Байтұрсынов көшелері тарабынан кіруге болады.
