АҚШ президенті Дональд Трамп UFC тарихындағы ерекше турнирдің 2026 жылдың 14 маусымында Ақ үйде өтетінін мәлімдеді, деп хабарлайды Daily Mail. Бұл күн Трамптың 80 жылдық мерейтойымен тұспа-тұс келеді.
Мәлімдемені Трамп АҚШ Әскери-теңіз күштерінің 250 жылдығына арналған Норфолктегі әскери-теңіз базасында жасады.
Дана Уайт Sports Business Journal-ға берген сұхбатында турнирден кейін Ақ үйдің оңтүстік алаңындағы газонды ауыстыру үшін UFC 700 мың доллар жұмсайтынын айтты. Оның айтуынша, жарысқа қатысатын спортшылар алдымен Трамптың кабинетінен шығып, содан кейін «Октагонға» көтеріліп, 5 мың көрерменнің алдында өнер көрсетеді.
Турнирдің басты қатысушыларының бірі ирландиялық Конор Макгрегор болмақ. Бұған дейін Макгрегор Ақ үйде өтетін турнирге дайындалып жатқанын мәлімдеген болатын.
