Михал Пробеж Қазақстан құрамасының бас бапкері болуы мүмкін

Футболдан Қазақстан ұлттық құрамасы басшылығының Польшаның танымал маманы Михал Пробежбен келісімге келгені мәлім болды. Бұл туралы поляк журналисі Матеуш Борек YouTube-тағы Moc Futbolu арнасында жазды.

Оның айтуынша, бұрын Польша құрамасын жаттықтырған Михал Пробеж Қазақстан футбол федерациясымен ынтымақтастықты бастау жөнінде келісімге келген. Ресми ақпарат алдағы күндері жариялануы тиіс, ал келісімшарттың нақты шарттары әзірге белгісіз.

Михал Пробеж 2023 жылдан 2025 жылға дейін Польша ұлттық құрамасының бас бапкері қызметін атқарған. Оның жетекшілігі кезінде поляк құрамасы бірнеше ірі турнирлерге қатысқан.

Еске салайық, бұған дейін Қазақстан құрамасының бас бапкері Әли Әлиев Бельгиямен өткен әлем чемпионаты-2026 іріктеу матчы (0:5) аяқталғаннан кейін отставкаға кеткен болатын.

Қазіргі уақытта белгілі қазақстандық маман Талғат Маруаұлы Байсуфинов ұлттық құраманың бас бапкері міндетін уақытша атқаратын болып бекітілді. Байсуфинов командамен бірге алдағы екі кездесуде жұмыс істейді.