АҚШ-тың Федералды Монета сарайы Стив Джобстың бейнесі салынған бір долларлық естелік монетаны шығаратынын жариялады. Бұл монета 2026 жылы айналымға енеді деп жоспарланған.
Эмиссия 2018 жылдан бері жүзеге асырылып келе жатқан American Innovation 1 доллар Coin бағдарламасы аясында жүзеге асады.
Бағдарлама елдің технологиялық дамуына әсер еткен өнертапқыштар мен ғылыми жаңалықтарды мәңгі есте қалдыру мақсатында қолға алынған. Әрбір шығарылған монета белгілі бір штатпен байланысты. Стив Джобс бейнеленген доллар Калифорния штатын таныстырады, дәл осы жерде Apple негізін қалаған тұлға дүниеге келіп, кейін Кремний алқабы қалыптасқан еді.
Монета дизайнын суретші Элана Хаглер мен мүсінші Фиби Хемфилл әзірлеген. Алдыңғы бетінде Стив Джобс Калифорнияның солтүстігіне тән емен тоғайлары бар тау бөктерінде медитация жасап отырғаны бейнеленген. Композицияны Apple негізін қалаушысының философиясын білдіретін әйгілі сөз тіркесі — «Make Something Wonderful» («Керемет бір нәрсе жаса») толықтырады.
«Ол Калифорния табиғатының Стив Джобстың күрделі технологияларды қарапайым әрі түсінікті өнімдерге айналдырудағы көзқарасының қалыптасуына әсерін көрсетеді» – деп түсіндіреді АҚШ монет сарайы монета дизайнының тұжырымдамасын.
Монета құны жайлы
Коллекциялық монеталар ведомствоның ресми сайты арқылы сатылымға шығады. Бір данасының бағасы 13,25 доллар. Сондай-ақ 27,50 доллар тұратын төрт монетадан тұратын жиынтық ұсынылады. Оған 2026 жылы шығатын Айова штатының агрономы Норман Борлоугқа, Висконсиннің Cray-1 суперкомпьютеріне және Миннесотаның көлік тоңазыту технологиясына арналған монеталар кіреді.
Стив Джобстың осы бағдарламаға енгізілу бастамасын Калифорния губернаторы Гэвин Ньюсом ұсынған.
