20 қазанда Моңғолия президенті Хурэлсух Ухнаа парламенттің үкімет басшысын қызметтен алу жөніндегі шешіміне вето қойды. Елде саяси дағдарыс басталды.
Президент қарсылығы
Президент әкімшілігі заң шығарушы органның жұма күні қабылдаған шешімін Конституцияға қайшы деп есептейді. Өйткені алғашқы күні кворум жиналмай, дауысқа салу ертесіне өткізілген.
Ұлы Құрал – Моңғолия парламенті президент ветосын айналып өте алады, бірақ ол үшін депутаттардың үштен екісі шешімді қолдауы керек.
Өткен аптада парламент үкіметті бар болғаны төрт ай басқарған премьер-министрді қызметтен алуды дауысқа салған. Оған премьер Занданшатардың министрлерді тағайындау кезінде депутаттар пікірін ескермеуі себеп болған. Бұған қоса, өткен аптада парламент спикерінің де қызметтен кетуі елде саяси дағдарыстың тереңдей түскенін аңғартады.
Саяси дағдарыс себептері
Бір қызығы, Моңғолияда президент те, парламенттегі басты фракциялар да билік басындағы партиядан. Премьердің қызметтен алыуын да партия ішіндегі билік үшін күреске меңзейді. Өйткені елде президент парламенттің рөлін әлсіретіп, өз билігін күшейткісі келетіні туралы айыптаулар жиі айтылып жүр.
Айта кетейік, елдің бұған дейінгі премьер-министрі жемқорлыққа қатысты даудан кейін биліктен кеткен. Моңғолияда жастар наразылығы бәсеңдей қойған жоқ. Олар үкіметтің жемқорлыққа қарсы күресінің әлсіздігін сынап отыр. Бұған қоса, елде инфляция қарқын алып, экономиканың басқа да көрсеткіштері нашарлап кеткен.
