Миллиардер Кимнің күн станциясы қазақстандықтарға электр энергиясын сатады
Энергетика министрі Ерлан Ақкенженов бұйрығымен Sintra Energo және KAZ Green ENERGY компанияларын энергия өндіруші ұйымдар тізіміне қосты. Соңғысы кәсіпкерлер Владимир Ким, Эдуард Огай және Владимир Жұманбаевқа тиесілі.
KAZ Green ENERGY туралы
KAZ GREEN ENERGY компаниясына «Балқаш» күн электр станциясы кіреді. Оны салу құны бірінші кезеңде (қуаттылығы 50 МВт) 21,73 млрд теңгені құрады, оның 16,95 млрд теңгесін Қазақстанның Даму Банкі 14 жылға жылдық 13,79%-бен берсе, ал қалған ақшасын компанияның өзі шығарды.
Компанияның түпкі бенефициарлары Владимир Ким, Эдуард Огай және Владимир Жұманбаевты көрсетті. Ким Forbes нұсқасы бойынша ең бай қазақстандықтардың тізімінде 5,7 млрд доллармен үшінші, Огай – 761 млн доллармен 14-ші, Жұманбаев – 472 млн доллармен 21-ші орында.
Станцияның 50 МВт бірінші кезегі 2021 жылдың ақпанында, екінші ұқсас қуаты 2021 жылдың қыркүйегінде іске қосылды. Тау-кен компаниялары болашақта еуропалық нарықта көміртегі салығын төлемеу үшін жаңартылатын энергия көздерін іске қосады.
Ким мен Огай бірлесіп иеленетін «Қазақмыс» үшін негізгі бизнес мыс, алтын және басқа да металдарды өндіру. KAZ GREEN ENERGY-дің пайда болуы, ең алдымен, осы мыс металл өндіруші алып компанияны жасыл энергиямен қамтамасыз етуді мақсат еткен. Алайда Энергетика министрлігінің жеткізушілер тізіміне ене отырып, компания нарыққа электр энергиясын сата алады.
Sintra Energo туралы
EGov мәліметтері бойынша, Қонаев қаласында тіркелген Sintra Energo компаниясының (негізгі қызмет түрі Жылу электр станциялары арқылы электр энергиясын өндіру) тең иелері Шыңғыс Молдахметов пен Мәлік Кинишев. Ашық көздерден екеуі де жеке кәсіпкерлер екені белгілі.
Табиғи монополияларды реттеу комитетінің Алматы облысы бойынша департаменті жыл басында Sintra Energo тарифі мен тарифтік сметасының жобасын талқылау бойынша көпшілік тыңдау өткізді. Тариф жобасы 11388,09 теңге/Гкал құрады.
