Алматыда өткен Audi Quattro Cup турнирінде Алматының бұрынғы әкімі Ахметжан Есімов бой көрсетті, деп хабарлайды Kursiv.Media.
«Жайлау» гольф-курортында Audi Quattro Cup 2025 ұлттық турнирі өтті, онда жүзге жуық қатысушы – негізінен кәсіпкерлер мен гольф әуесқойлары ойнады.
Турнирде Қайрат Молдабаев пен Сәбит Төлегеновтың командасы жеңіске жеткен. Олар қараша айының соңында Омандағы финалда Қазақстан атынан өнер көрсетеді. Қосымша сыйлықтарды Бауыржан Сарқытбаев, Аңсар Хасанов, Айдана Әбішева және басқа да қатысушылар алды.
Бірақ көпшіліктің назары жеңімпаздар да емес, іс-шараның суреттерінде болды. Суреттерден Алматының бұрынғы әкімі және «Самұрық-Қазына» экс-басшысы Ахметжан Есімовті көруге болады.
Audi Quattro Cup – жыл сайын Алматыда өтетін және кәсіпкерлер бас қосатын гольфтен әуесқойлар турнирі.
Ахметжан Есімов 2008 жылдан 2015 жылға дейін Алматы қаласын басқарды. Бұдан бөлек, президент әкімшілігі мен «Самұрық-Қазына» қорын басқарды. Қазір саяси лауазым атқармайды.
Бұған дейін Ахметжан Есімовтің қызы Айжан есім 2024 жылы Қазақстанның 75 бай бизнесмені рейтингіне еніп, 44-орынға жайғасқанын жазған едік. Оның активтерінің едәуір бөлігін «Қазфосфат» ЖШС сатудан түскен үлес құрайды. Ол «Sport Center» ЖШС және Петропавл нан-тоқаш комбинатының акцияларына иелік етеді.
