Қазақстанда жаңа кәсіби мереке атап өтіледі

29 қазанда Қазақстанда жаңа кәсіби мерекені атап өтеді. Бұл күн ресми түрде кәсіпкерлер күні деп бекітілген.

Қазір елде 2,4 млн-ға жуық кәсіпкерлік тіркелген, олар 4 млн-нан астам адамды жұмыспен қамтып отыр. Шағын және орта бизнестің ел экономикасына қосқан үлесі айтарлықтай өсім көрсетіп, 38,9% болды.

Жыл басынан бері 312 млрд теңге несие сомасына 2 300-ден астам жоба субсидияланды, онда субсидиялар көлемі 125,8 млрд теңгені құрады. Кәсіпкерлік негіздеріне 11 мыңнан астам адам оқытылды, бизнес жүргізу мәселелері бойынша 109 мыңға жуық кеңес берілді.

750 млрд теңгені құрайтын 12,6% мөлшерлемемен «Өрлеу» жеңілдікті кредиттеу бағдарламасы іске қосылды, оның ішінде 300 млрд «Даму» Қорының қаражаты, 450 млрд банк ресурстары. Қазірдің өзінде 407,7 млрд теңгеге 1 200-ге жуық жоба қаржыландырылды.

Кәсіпкерлер күні биыл тамызда Еңбек және халықты әлеуметтік қорғау министрлігінің бұйрығымен бекітілген еді. Осыдан он жыл бұрын 29 қазанда Қазақстан Республикасының Кәсіпкерлік кодексі қабылданғандықтан, осы күнді таңдап алды.