Шымкенттегі балалар ауруханасы 499 төсекке арналған, бірақ қазір 556 бала емделіп жатыр. Otyrar.kz мәліметінше, оған себеп – грипп пен ЖРВИ індетінің өршуі.
Тәулігіне ауруханада 850 балаға дейін қабылданады. Көбі бронхит пен пневмониямен ауырады. Қазір тек ауыр науқастар ғана госпитализацияланады. Қалада A және B типтегі грипп вирустары белсенді таралып жатыр.
«Науқастар үйде қалмай, қоғамдық орындарға барады да, айналасындағыларды жұқтырады», – дейді бас дәрігер Динара Жұмаділова.
Денсаулық сақтау министрлігінің мәліметі бойынша, елдегі басқа инфекциялық бөлімшелер қазіргі уақытта шамадан тыс жүктелмеген.
