«Home Credit Bank» акционерлік қоғамы «ForteBank» акционерлік қоғамының қатысу үлесінің ұлғаюына байланысты атауын өзгертіп, директорлар кеңесінің жаңа құрамын сайлағанын хабарлайды.
Бұл шешімдер 2025 жылғы 3 қарашада өткен акционерлердің кезектен тыс жалпы жиналысында қабылданды. Оған дейін «ForteBank» АҚ Қазақстан Республикасының Қаржы нарығын реттеу және дамыту агенттігінен («ҚНРДА») «Home Credit Bank» АҚ-ны еншілес ұйым ретінде сатып алуға ресми рұқсат алған болатын.
Директорлар кеңесінің жаңа құрамы:
- Тимур Исатаев – «Home Credit Bank» директорлар кеңесінің төрағасы болып сайланды;
- Талғат Қуанышев – «Home Credit Bank» директорлар кеңесінің мүшесі болып сайланды;
- Анвар Сайденов – «Home Credit Bank» тәуелсіз директор ретінде қайта сайланды.
Қабылданған шешімдер «Home Credit Bank» акционері Иржи Шмейцтің акцияларын «ForteBank»-ке өткізу және «ForteBank» үлесін 75%-ға дейін ұлғайту рәсімі аяқталғаннан кейін күшіне енеді.
Банк атауының жаңа нұсқалары:
- Қазақ тілінде: «Home Credit Bank» акционерлік қоғамы («ForteBank» акционерлік қоғамының еншілес банкі);
- Орыс тілінде: Акционерное общество «Home Credit Bank» (Дочерний банк акционерного общества «ForteBank»);
- Ағылшын тілінде: Joint-stock company «Home Credit Bank» (Subsidiary bank of joint-stock company «ForteBank»).
«Біз Home Credit Bank брендінің танымалдылығы мен бөлшек нарықтағы тәжірибесін сақтай отырып, оларды ForteBank-тің тұрақтылығы және технологиялық әлеуетімен біріктіреміз. Бұл – ұзақмерзімді өсімге бағытталған маңызды қадам. Біздің басты қағидаттарымыз – сенімділік, жоғары қызмет сапасы және клиенттердің жайлылығы», – деді Тимур Исатаев, «ForteBank» директорлар кеңесінің төрағасы.
Банк клиенттерге қызмет көрсетуді бұрынғы тәртіпте жалғастырады: барлық өнімдер, қызметтер және шарттар өзгеріссіз қалады. Интеграция процесі кезең-кезеңімен жүргізіліп, қызмет көрсету сапасын сақтау және клиенттер үшін өтпелі кезеңнің жайлылығын қамтамасыз етуге басымдық беріледі.
«Біз клиенттерімізге бұрынғыдай жоғары деңгейде қызмет көрсетуді жалғастырамыз. Тұрақтылық пен сенім – біздің басты құндылықтарымыз. Қабылданған шешім банктің тұрақты әрі ұзақмерзімді дамуына берік негіз қалайды», – деп атап өтті Кирилл Бачваров, «Home Credit Bank» басқарма төрағасы.
