Алматыда Рokstars және Luckyshark заңсыз онлайн-казиноларын ұйымдастырушыларға үкім шығарылды, деп хабарлайды қаржы мониторингі агенттігі (ҚМҚ).
«Алматы бойынша АФМ департаменті Рokstars және LuckyShark онлайн-құмар ойындарын заңсыз ұйымдастырған тұлғалар тобына қатысты тергеуді аяқтады. Ставкалар банктік аударымдар арқылы қабылданып, содан кейін қатысушыларға логин, пароль және құмар ойындарға қол жеткізу үшін сілтеме берілген. Ақша операцияларын туыстарына және үшінші тұлғаларға, соның ішінде шет мемлекеттердің азаматтарына (дропперлерге) ресімделген банк карталары арқылы жүргізілген. Жаңа ойыншыларды тарту үшін әлеуметтік желілерде ойын клубын насихаттауға бағытталған мақсатты жарнама қолданылған. Сот үкімімен үш кінәлі екі жыл алты айдан төрт жылға дейін алты ай мерзімге бас бостандығынан айырылған», — деп нақтылады ведомствоның баспасөз қызметі.
Сонымен қатар, мемлекет кірісіне 116 млн теңге көлемінде заңсыз алынған қаражат және Zeekr автокөлігі тәркіленді. Үкім қазірдің өзінде заңды күшіне енді.
ҚММ ақпаратына сүйенсек, соңғы екі жылда 105 сотқа дейінгі тергеу басталып, 22 жасырын казино, 65 ойын залы және 441 терминал жауапқа тартылды.Заңсыз ойын бизнесін ұйымдастырғаны үшін 166 адам сотталды.
