Үш адамды әдейі жүк көлігімен таптап өлтірген ер адам өмір бойына сотталды
Өзбекстанда 41 жастағы Салим Рустамов Бюро қызметкерлерінің көз алдында жантүршігерлік қылмыс жасады.
Kun.uz ақпаратына қарағанда, ал HOWO жүк көлігімен бұрынғы жұбайын, қайынапасы және қайынатасын әдейі басып өткен. Қанды оқиға Навои облысының Тамды ауданында бұрынғы әйелінің отбасына тиесілі үйден оны күштеп шығару кезінде болған.
Іс материалдарына сәйкес, 41 жастағы Салим Рустамов сол аудандағы бір шаруа қожалығында жүргізуші болып істеген және HOWO маркалы жүк көлігімен малға су тасып жүрген.
Ол 2008 жылы Гулмира Эргашеваға үйленген. Алғашында Зарафшан қаласында тұрған ерлі-зайыптылар кейін Тамды ауданындағы Шарк қыстағындағы үйге көшкен. Бұл үй әйелі Гулмираның меншігі болған.
2021 жылдың сәуірінде ерлі-зайыптылар ресми түрде ажырасқан.
2024 жылдың 20 желтоқсанында Зарафшан қалалық азаматтық істер жөніндегі сот шешімімен Салим Рустамов аталған үйден күштеп шығарылуға тиіс болыпты. Бұл шешімді орындау ісі Бюроның қалалық бөліміне жүктелген.
2025 жылдың 17 наурызында атқару қызметінің қызметкерлері оны үйден шығармақ болады. Дәл сол сәтте Рустамов HOWO көлігін әдейі айдап, алдымен бұрынғы жұбайын, кейін оның апасы мен әкесін қасақана қағып өткен.
Мұның алдында Қырғызстанда Парламент депутаттығына үміткердің ер адамға балтамен шабуыл жасап, қолын шаппақ болғаны туралы жазған едік.
