Павлодар облысында көлік қозғалысы шектелді. ҚазАвтоЖолдың хабарлауынша, шектеу 2025 жылдың 8 қарашасы сағат 16:00-де енгізілді.
«Павлодар облысында ауа райының бұзылуына байланысты республикалық маңызы бар «Астана – Шідерті – Успенка – РФ шекарасы» 255-416 шақырымындағы учаскеде көліктің барлық түрі қозғалысына шектеу қойылады», – делінген ақпаратта.
Бұл аймақ Шідерті ауылынан Атамекен ауылына дейінгі аралықты қамтиды.
Жолды 2025 жылдың 9 қарашасы сағат 08:00-де ашу жоспарланған.
Шектеу қойылған жолдар туралы толық ақпаратты www.qaj.kz сайтындағы «Ақпараттық картадан» көруге болады.
Одан бөлек сағат 14:00-де ауа райының нашарлауына байланысты келесі көлік қозғалысына шектеу қойылады:
Ақмола облысы: «Астана – Шідерті – Павлодар – Успенка – РФ шекарасы» автожолының 16-200 шақырым аралығындағы учаскесі;
Павлодар облысы: «Астана – Ерейментау – Шідерті» автожолының 200-254 шақырым аралығындағы учаскесі.
Жол 9 қараша сағат 08:00-де ашылады.
