Қаржы нарықтарының ағымдағы жағдайы және болжамдары
Қазіргі таңда әлемдік қаржы нарықтарында өзгерістер белсенді жүріп жатыр. Бұл өзгерістерге АҚШ және Еуропа нарықтарында байқалған төмендеу, сонымен қатар шикізат нарықтарында бағаның тұрақсыздығы себеп болып отыр. Әсіресе, осы аптада S&P 500 индексі мен басқа да ірі қор индекстері қатты құлдырау көрсетуде, бұл өз кезегінде инвесторлар мен талдаушыларды алаңдатып отыр.
Дүниежүзілік нарықтардағы ахуал
S&P 500 индексінің өткен аптадағы өзгерісі -2,12% болса, Dow Jones индексі -1,31%-ға төмендеген. Бұл әлемдік нарықтарда қаржы құралдарының құнының төмендеуін және АҚШ экономикасындағы кейбір белгісіздіктерді көрсетеді. Осылайша, нарықтардағы тұрақсыздық үрдісі сақталып отыр. Бұған қоса, Қытай мен Ресей нарықтары өздерінің әлсіз динамикасын көрсетіп отыр, алайда, Шанхай индексі +0,31% көрсеткішіне ие болып, өсім көрсетті.
Негізгі секторлардағы өзгерістер
Инвестициялық секторлар арасындағы ең үлкен өзгерістер ЖИ (жасанды интеллект) секторында байқалып отыр. Бұл салаға қызығушылық артқанымен, нарықтағы алыпсатарлықты зерттеп отырған мамандар оның бағасының асыра бағаланғанын және бұдан әрі түзетулер болатынын болжайды. Осыған сәйкес, NVIDIA және Palantir сияқты компаниялардың акциялары күрт төмендеп, үлкен шығындарға ұшырады.
Сонымен қатар Nasdaq 100 индекісі мен S&P 500 индексі де төмендеу үрдісін жалғастырып, құлдырау көрсеткіштерімен назар аудартады. Бұл қаржылық дағдарыс ықтималдығының артқанын және макроэкономикалық тұрақсыздықты білдіреді
АҚШ экономикасының салқындау идеясы қайтадан белсенді түрде талқылануда. Сауда қатысушылары 2025 жылдың 2009 жылдан кейінгі ең ауыр кезең болатынын болжап отыр, яғни жұмыстан босату көрсеткіштері жоғары болуы мүмкін. Бұл үрейлі болжам экономиканың әлсіреу ықтималдығын көрсетеді. Ал ФРЖ пайыздық мөлшерлемені төмендету ықтималдығы да айтарлықтай өсті — 62%-дан 68,9%-ға дейін көтерілді. Бұл нарықтың қаржы саясатына деген сенімсіздігін арттырады.
Қосымша теріс фактор ретінде ЖИ секторындағы жағдайлар да назар аудартады. Дональд Трамп әкімшілігінде ЖИ және криптовалюталар бөліміне жетекшілік еткен Дэвид Сакс жасанды инттеллект индустриясына федералды қолдау көрсетілмейтінін мәлімдеді. Бұған дейін OpenAI компаниясының қаржы директоры Сара Фрайар осы салаға субсидиялар берілетіні туралы меңзеген болатын. Бірақ кейіннен компанияның бас директоры Сэм Альтман өз сөздерін түзеп, компанияның мемлекеттік қолдау іздемейтінін, барлық жағдайы жақсы екенін айтты.
Мұнай
Нарықтағы мұнай бағасы да маңызды көрсеткіштердің бірі. Brent мұнайының бағасы 63,72 доллар деңгейінде. Өткен аптамен салыстырғанда -2,03% төмендеді. Мұнай бағасының төмендеуі әлемдік экономикалық дамудың баяулауымен және өндіріс көлемінің азаюымен тікелей байланысты болуы мүмкін.
Алтын
Ал алтын бағасы 4005,9 доллар деңгейінде тұрақтап, -0,30%-ға төмендеді. Алтын құнының өзгеруі инфляциялық тәуекелдер мен валюталық нарықтағы өзгерістердің әсерін көрсетеді. Мұндай жағдайларда алтын әдетте құнды актив ретінде пайдаланылады, алайда қазіргі жағдай оның баға деңгейін төмендетуге әсер етуде.
Доллар мен теңге қатынасы
Доллар мен теңге арасындағы айырбас бағамы да өзгерістерге ұшырауда. Бір апта ішінде теңге бағамы тұрақсыз болып, доллардың теңгеге қатысты бағамы 523,20 доллар деңгейінен 524,90 долларға дейін өзгерді. Бұл валюталық нарықтағы құбылмалы жағдайларды және экономикалық белгісіздіктерді көрсетеді. Сонымен қатар қараша айындағы салық апталығы теңгеге сұранысты арттырып, доллар құнын түсіруге ықпал етуде.
Қазақстанның қор нарығы
Қазақстанның қор нарығы, атап айтқанда KASE индексі, өткен аптада 2,47%-ға төмендеп, 6955,48 пунктке жетті. Қарашаның бірінші аптасында БЦК мен Kcel ғана өсім көрсете, қалған компаниялардың акциясы қызылға боялды. Бұл елдегі экономикалық тұрақсыздықтың және сыртқы нарықтардағы өзгерістердің әсері болуы мүмкін. Осыған қарамастан, мұндай құлдырауларды кейбір инвесторлар жеңіл қабылдап, нарықта сатып алу мүмкіндігін көруде. Қазақстандағы бағалы қағаздар нарығының әлсіздігі инвесторлардың сенімсіздігіне әкелуі мүмкін.
