Есірткімен байланысты ақшаны да, күдіктіні де оңай анықтайтын ЖИ жүйесі енгізілуде
Елімізде есірткі қылмысымен күресуге енді жасанды интеллект көмектеседі. Бас прокурор Берік Асылов ЖИ негізіндегі екі инновациялық құралдың қалай жұмыс жасайтынын түсіндіріп берді.
Crypto Trace және ProkAi деп аталатын инновациялық құралдарды Шымкент қаласының прокуратурасы мен отандық IT-әзірлеушілер бірлесіп жасаған.
«Екі жоба да Мемлекет басшысының «Заң мен Тәртіп» идеологиясын қоғамда ілгерілету шеңберінде өтеусіз негізде іске асырылды және прокуратураның теңгеріміне берілді«, – деп жазды Асылов Х әлеуметтік желісінде.
Есірткі бизнесінің ақшасын анықтай алады…
«Crypto Trace» – бұл жаңа буынның іздеу жүйесі, ол желідегі транзакцияларды талдауға және есірткі бизнесінің ақшасын анықтауға көмектеседі.
«ProkAi» кәсіби мамандарды жолда қалдырады
«ProkAi» – интернеттегі есірткі саудасын анықтауға қабілетті интеллектуалды платформа. Жасанды интеллект 24/7 жұмыс істейді және кәсіби маманға қарағанда ондаған, тіпті жүздеген есе көп іздеу операцияларын орындауға қабілетті.
ЖИ дропперлерді табуға көмектесті
Берік Асылов «ProkAi» чат-боты жұмыс істеген үш айдың ішінде 2 000-нан астам дропперлер шоты анықталғанын айтады. Бағдарлама қылмыскерлерден алынған SimBox құрылғыларының көмегімен есірткі дүкендерінің жүздеген нөмірлеріне қосылады және қылмыстық шоттардың кең ауқымын қамтамасыз етеді.
«Бағдарламалық өнім нақты тергеп-тексеруде есірткі дүкеніне қатысты қылмыстық іс бойынша сыналды. Дропперлердің 15 мыңнан астам шоты, оның ішінде 2 мыңға жуығы қазақстандық, 13 мыңнан астамы шетелдік және 620 криптовалюта шоттары анықталды. Жүзден астам дропперлер қылмыстық жауаптылыққа тартылды«, – делінген жазбада.
Оның сөзінше, соңғы пайда табушылардың нақты крипто-әмияндарын тез арада анықтауға мүмкіндік туды. Бұл әмияндарда шамамен 5 млн USDT сомасына активтер жатыр. Асылов атап өткендей, әзірленген бағдарламалар бүкіл ел бойынша азаматтардың құқықтары мен мемлекет мүдделерін қорғау үшін енгізілетін болады.
