Павлодар облысы Шарбақты ауданының «Балдәурен» бөбекжайындағы балалар жаппай жұқпалы ауруға шалдығып, аураханаға түсті. Үш бала ауруханаға жатқызылып, тағы төртеуі үйге бақылауға жіберілді.
Өңірдің білім басқармасы хабарлауынша, оқиға 7 қарашада тіркелді. Балабақшада тексеру басталды.
«Осы факті бойынша» Шарбақты аудандық санитарлық-эпидемиологиялық бақылау басқармасы» тексеру бастады. Тәжірибеге қажетті талдамалар алынып, зертханалық зерттеулер жүргізілді. Ресми ақпарат тексеру нәтижелері бойынша беріледі», – деп хабарлады білім басқармасы.
Ведомствода балалар ауруханадан шығарылғанын, қазір үйлерінде екенін айтты.
Облыстың денсаулық сақтау басқармасының мәліметі бойынша, балалардан «анықталмаған гастроэнтерит және инфекциялық шыққан колит» диагнозы расталмады, оларға түпкілікті – ротавирустық энтерит диагнозы қойылды.
Бұған дейін ата-аналардың Шымкент балабақшасында антисанитарияға шағымданғаны жайлы жазған едік.
