Ресейге сапарынан кейін Тоқаев Өзбекстанға барды
Жарияланды
Қасым-Жомарт Тоқаев Өзбекстан президенті Шавкат Мирзиёевтің шақыруымен Ташкентке мемлекеттік сапармен барды. Ташкент әуежайында оны Құрмет қарауылы сап түзеп, қарсы алды, деп хабарлады Ақорда.
Екі президенттің ресми кездесуінен кейін әнұрандар шырқалып, Құрмет қарауылының бастығы рапорт берді. Содан соң президенттер бір-біріне ресми делегация мүшелерін таныстырды.
Одан әрі Қасым-Жомарт Тоқаев пен Шавкат Мирзиёев қазақ-өзбек стратегиялық серіктестігі мен одақтастығын одан әрі тереңдету жөнінде пікір алмасты.
Осыдан екі күн бұрын Тоқаев мемлекеттік сапармен Ресейде болған еді. Путинмен жүздесіп, келесі жылы оны Қазақстанға шақырды.
