Трамп Ресейдің сауда серіктестеріне санкция саламын деп қорқытты

АҚШ республикалық партиясының мүшелері Украинамен соғыс кезінде Ресеймен бизнесті жалғастыратын кез келген елге қарсы санкциялар енгізуге мүмкіндік беретін заң жобасын әзірлеуде. Бұл туралы АҚШ президенті Дональд Трамп Флоридада БАҚ-пен кездесу кезінде айтты.

Әңгіме барысында журналистердің бірі АҚШ Конгресінің Ресей Федерациясына және Ресей президенті Владимир Путинге Украинадағы соғыстың аяқталуына қысым жасауы күшейді ме деп сұрады.

«Мен оның (қысымның – ред.) жұмыс істеп жатқанын естідім және бұл бізге жақсы. Республикашылдар заң жобасын шығарып жатыр, Ресеймен жұмыс істейтін кез келген елге санкция салады», – деді Трамп жауабында.

АҚШ президентінің айтуынша, мұндай елдердің тізіміне Иран қосылуы мүмкін.

Ресей Федерациясының серіктестеріне қарсы 500 пайыздық санкциялар идеясы АҚШ-та сәуір айынан бастап талқыланып келеді.

Сәуірде сенаторлар Линдси Грэм мен Ричард Блументаль Ресейден мұнай, газ, уран және басқа да тауарларды сатып алатын және Украинаны Ресейдің шабуылынан қорғауда қолдамайтын елдерге қатысты 500 пайызға дейінгі сауда баж салығын енгізуге шақырды .

Шілде айының соңында АҚШ Үндістаннан келетін тауарларға қатысты 25 пайызға жоғары баж салығын енгізді. Бұған ел Ресей Федерациясынан мұнай сатып алуды жалғастыруда деген шешімге түрткі болды.