Түркістан облысы Жетісай ауданы Алғабас ауылында өрттен зардап шеккендердің аты-жөні жарияланды.
Үй иесі – 34 жастағы Шойбеков Дәурен Талғатбекұлы. Қайтыс болды.
Үй иесінің әйелі – 31 жастағы Динара Амантурдиева. Қайтыс болды.
Үй иесінің анасы – 61 жастағы Гүлжамилә Турегелдиева, жансақтау бөлімінде жатыр.
Ерлі-зайыптының қызы – Талғатбек Дана Дәуренқызы. Қайтыс болды.
Ерлі-зайыптының қызы – Талғатбек Асия Дәуренқызы. Қайтыс болды.
Ерлі-зайыптының қызы – Талғатбек Алуа Дәуренқызы. Қайтыс болды.
Ерлі-зайыптының ұлы – Талғатбек Әлихан Дәуренұлы. Қайтыс болды.
Ерлі-зайыптының ұлы – Талғатбек Әмірхан Дәуренұлы. Қайтыс болды.
Екінші отбасы, үй иесінің аға-жеңгесінің отбасы.
Үй иесінің ағасы – Шойбеков Олжасбек Талғатбекұлы, жансақтау бөлімінде жатыр.
Әйелі – 35 жастағы Маржан Өмірзақова. Қайтыс болды.
Ерлі-зайыптының қызы – Талғатбек Жансая Олжасбекқызы. Қайтыс болды.
Ерлі-зайыптының ұлы – Талғатбек Ассабур Олжасбекұлы. Қайтыс болды.
Ерлі-зайыптының ұлы – Талғатбек Мұхит Олжасбекұлы. Қайтыс болды.
Ерлі-зайыптының қызы – Талғатбек Жасмин Олжасбекқызы, жансақтау бөлімінде жатыр.
Ерлі-зайыптының қызы – Талғатбек Раяна Олжасбекқызы. Қайтыс болды.
12 адам қаза тапты
18 қараша таңертең Алғабас ауылындағы екі қабатты жеке тұрғын үйден 12 адамның мәйіті табылды.
Президент Қасым-Жомарт Тоқаев марқұм болғандардың туыстарына көңіл айтты.
Түркістан облысы полициясы «Өрт қауіпсіздігі талаптарын бұзу» бабы бойынша қылмыстық іс қозғады.
Бала құқықтары жөніндегі уәкіл Динара Зәкиеваның сөзінше, үйде екі отбасы мүшелері – ата-анасы мен балалары болған. Өрт шығып, шатыр опырылып түскен.
Аман қалған үш адам – екі ересек және бір бала медициналық мекемелерге жеткізілді. Барлығы жансақтау бөлімінде ауыр жағдайда жатыр.
